Саидмурод Давлатов (Давлатов Саидмурод Раҷабович; зод. 6 июни 1978, деҳаи Дарғ, ноҳияи Айнӣ, вилояти Ленинобод, ҶШС Тоҷикистон) — нависандаи тоҷик аст, ки ба забонҳои тоҷикӣ ва русӣ менависад.

Зидагинома

Саидмурод Давлатов 6 июни соли 1978 дар деҳаи кӯҳистони Дарғи вилояти Суғди ҶШС Тоҷикистон таваллуд шудааст. Дар оила Фарзанди даҳум аст. Падараш дар синни яксолагаш вафот кард. Пас аз оғози ҷанги шаҳрвандӣ дар Тоҷикистон, ӯ ба Маскав ҳиҷрат кард.

Пас аз мактаб вай ба якбора ба се донишгоҳ дохил шуд, аммо ба иллати вазъи душвори молиявӣ маҷбур шуд, ки таҳсилро дар зодгоҳаш Тоҷикистон тарк карда, ба Маскав барои мардикорӣ равад. Дар Маскав ба Саидмурод муяссар шуд, ки дар мағоза ба ҳайси боркунак, маъмур дар бозор кор кунад.

Баъдтар ӯро Мирзакарим Норбеков ва Бодо Шефер омӯзиш медод. Дар якҷоягӣ бо омӯзиши гуруҳои машҳур, Давлатов ба ҳайси як соҳибкори амволи манзилӣ ва сармоягузор дар бисёр лоиҳаҳо муваффақ шудааст. Ва дар синни 27-солагаш озодии молиявиро ба даст меорад.

Вай таҳсилро бо Брайан Трейси, Стивен Ковӣ, Смилжан Мори идома медиҳад. Дар баробари омодагии худ, Давлатов дар зиёда аз 30 намуди тиҷорат муваффақ шудааст, тренингҳои муаллифии ӯ дар самти рушди шахсӣ, солимгардонӣ ва маҳви бесаводии молиявӣ дар 130 шаҳри ИДМ гузаронида мешаванд.

Соли 2007 Маркази байналмилалии рушди инсон “САМО”-ро таъсис дод. Аллакай зиёда аз ним миллион нафар одамон омӯзишро гузаштанд. Саидмурод услуби худро сохтааст, ки дониши психология, принсипҳои маънавӣ, саломатӣ ва муваффақиятро дар бар мегирад.

Эҷодиёт

Вай бо ду забон, русӣ ва тоҷикӣ менависад. Як қатор асарҳо ба забонҳои қазоқӣ, қирғизӣ, ӯзбекӣ, форсӣ тарҷума шудаанд. Муаллифи зиёда аз 20 китоб, ки баъзеашон дар фазои пасошӯравии Осиёи Марказӣ бестселлер шудаанд, яъне «Фалсафаи мӯрча», «Ман ва пул», «Ман ва пул 2», «Тарҳи фикрронии одамони сарватмандон ва камбизоат», «Қарзҳо дар чашмҳо об мешаванд», «Қонунҳои маънавии сарват», «Тилисми ғолиб», «Пул дар маркетинги шабакавӣ», «Роҳнамо ба орзӯҳо», «Чиро зан дар бораи мардон намедонад ва мард дар бораи занон чиро бояд донанд», «кӯдаки нобиғаи ман». Силсилаи китобҳои «101 саволу, сазовори ҷавоб», «Роҳҳои сарватманд шудан дар Тоҷикистон», «Роҳҳои миллионер шудан дар ИДМ», «Ман ва пул. Психологияи сарват», «Ҳама метавонанд сарватманд шаванд», «Ҳама метавонанд сарватманд шаванд. 12 қадам барои ба даст овардани суботи молиявӣ», «Тарҳи фикрронии одамони сарватманд ва камбизоат», «Қарзҳо дар пеши назари мо об мешаванд. Стратегияи зуд халос шудан аз сӯрохи молиявӣ.»

Моҳи ноябри соли 2019 дар Маскав наворгирии филми ҳунарии «Наставник» ба анҷом расид, ки дар он Саидмурод Давлатов ва сарнавишти ӯ ҳамчун прототипи қаҳрамон хидмат карданд. Тибқи иттилои нашрияи «Business Online» ба рейтинги 100 мусалмони бонуфузи Русия шомил шудааст.