Намаксанг

Кони намаки Восеъ дар масофаи 2-3 км нoҳоияи Восеъ воқеъ буда, бевосита дар наздикии кон корхонаи намаки Восеъ ҷойгир аст. Ин кон қисми шимолии қабати намакии кӯҳи Хоҷа-Мумин буда, захираҳои тахминии намак ба миллиардҳо тонна мерасад. Майдони кон 0,6 км2 мебошад. Иқтидори умумии ғафсии намаксанг 180 м аст. Миқдори хлориди натрий (NaCl) дар таркиби намаксанг байни 49% ва 89% то 91,41% -ро дар бар мегирад. Миқдори боқимондаҳои намаки ҳалнашаванда ба ҳисоби миёна 4,7% -ро ташкил медиҳад.

Кони намаксанги «Хоҷа-Мӯмин» бевосита дар наздикии маркази ноҳияи Ҳамадонӣ буда, дар қисми ҷанубии қабати намаки «Хоҷа-Мӯмин» ҷойгир аст. Иқтидори намаксанг дар ҳудуди ин кон аз 58 то 249 метрро ташкил медиҳад. Зиёда аз 160 чашмаҳо муайян карда шудаанд, ки аз қабатҳои намаки санг ҷорӣ мешаванд. Муайян карда шуд, ки намаксангро пас аз ғанигардонӣ метавон ҳамчун намаки ошӣ истифода бурд. Конҳои дигари намаксанг дар ин минтақа “Танобчи” ва “Сомончи” мебошанд. Ҳамчунин дар ҷумҳури кони намаксанги “Камишқурғон” дар ноҳияи Ашти вилояти Суғд ҷойгир аст. Захираи намаксанг дар майдони ҷанубу ғарбии ин кон бошад зиёда аз 558 миллион тонна ҳисоб карда шудааст. Дар назди кони мазкур корхонаи намак фаъолият дорад.

Захираҳои кашфшудаи намаксанг ба корхонаҳои мавҷудаи истихроҷи намак имкон медиҳанд, ки корҳо дар самти истихроҷи ашёи хом ва аз он ба даст овардани маҳсулоти ниҳоиро садсолаҳои дигар ба нақша гиранд. Захираҳои умумии намаксанг бузурганд ва дурнамои ҷустуҷӯ, истихроҷ ва азхудкунии конҳо умедбахш мебошанд.