Хушкмева ва манфиати он

Истеъмоли хушкмева ба инсон дар тўли ҳазорсолаҳо маълум ва маъмул аст. Ҳанўз дар карни санг, вақте, ки мардҳо ба шикор мерафтанд, занҳо меваҳои аз дарахт афтодаро ҷамъ карда, дар зери нури офтоб хушк мекарданд. Мусофирон дар вақти басафар баромаданашон, ҳатман хушкмеваро озуқа мекарданд, зеро меваи хушк дар сафар инсонро сер мекард ва аз касалиҳо эмин нигоҳ медошт. Табибони қадима хушкмеваро ганҷинаи табобатӣ меҳисобиданд.Хушкмева аз витаминҳои А, В1, В2, В3, В5, В6, ва минералҳо, ба монанди оҳан, калтсий, магний, фосфор, калий, натрий бой мебошад. Хушкмева як хусусияти хубдорад, онро Шумо мўҳлати зиёд  нигоҳ дошта метавонед. Одатан хушкмеваро бо ду тарз тайёр мекунанд: табиӣ, яъне дар зери нурҳои офтоб ва тарзи дуюм, ин коркарди меваи тар бо сулфур ё ин ки олтингугирд мебошад. Сулфур барои нигоҳ доштани ранги аслии меваи хушкунонидашуда мусоидат мекунад ва мўҳлати нигоҳдории хушкмеваро зиёд мекунад. Хушкмеваи дар зери нурҳои офтоб хушкунонидашуда каме тираранг буда, аз хушкмеваи бо сулфур коркардшуда аз ҷиҷати табобат бартарӣ дорад. Аз ҳамин сабаб дар вақти харидорӣ намудан ба хушкмеваи бо тарзи табиӣ хушкунонидашуда аҳмият диҳед. Истеъмоли ҳаррўзаи хушкмева – яке аз роҳҳои солимгардонии ҷисми инсон аст. Нафаре, ки ҳар рўз 150-200 грамм хушкмеваҳои гуногунро истеъмол мекунад аз бисёр касалиҳо, алалхусус аз касалиҳои роҳи меъдаву рўда эмин мебошад.  Истеъмоли хушкмева дар фасли сармо хеле муфид мебошад, зеро инсон ба норасоии витаминҳоюмикроэлементҳо дучор мегардад. Хушкмева маводи серғизо мебошад. Шумо агар пеш аз истеъмоли он оби минералӣ нўшед, хушкмева обро кашида, Шуморо ба муддати дароз сер мегардонад. Дар  хотир доред, ки истеъмоли хушкмеваро аз истеъмоли дигар ғизоҳо ҷудо кардан лозим аст. Ҳамаи намудҳои хушкмева фоидаовар ҳаст: зардолуиқоқшуда ва баргак ба касалиҳои камхунӣ ва чашми хира мадад мерасонад, мавиз гемоглобинро зиёд мекунад ва ба муоличаи касалиҳои меъда мусоидат мекунад. Анҷири хушкунонидашуда ба фоидаи ғадуди сипаршакл кор мекунад. Себи хушккуонидашуда ба касалиҳои меъдаву рўда, касалиҳои хун, гурда, ҷигар манфиатбахшт аст.

Сарчашма: http://tiroz.org/hushkmeva-va-manfiati-on/

Добавить комментарий

Ваш e-mail не будет опубликован. Обязательные поля помечены *