Асал ва намудҳои он

Асал аз ҳама ширинии беҳтарини табиӣ ба ҳисоб меравад. Вай, на ин ки бомазза, балки фоиданок аст. Ҳатто духтурон онро ба беморон тавсия медиҳанд. Дар таркиби он витаминҳои гуногун ва микроэлементҳои фоидабахш мавҷуд мебошанд. Фақат агар он асали тоза бошад. Чӣ хеле маълум аст, бо мурури вақт асал сахту сафедмегардад.Фурӯшандагон ба хотири моеъу ҳаҷман зиёд намудани он, асалро гарм мекунанд. Ҳамин хел шуданаш мумкин аст, ки ҳангоми аз меъёр зиёд гарм намудани асал, дар таркиби он оксиметилфурфурола ҳосил мегардад, ки он маводи кансерогенӣ (таҳриккунандаи бемории саратон) ба ҳисоб меравад.Ин модда дар миқдори кам ба системаи асаб таъсир расонида, миқдори зиёди он мубталои фалач ва рагкашӣ карданаш мумкин аст. Барои ҳамин ҳам асалро аз 450С зиёд гарм кардан мумкин нест. Пеш аз оне, ки асалро харидорӣ намоед, онро чашида бинед. Агар асал тамъикарамел кунад, пас маълум мегардад, ки ин асалро аз меъёр зиёд гарм кардаанд. Беҳтараш ин гуна асалро харидорӣ накунед. Дар ҷумҳурии мо асалро аз моҳи май сар карда ҷамъоварӣ кардан мумкин аст. Аммо асалпарварони «поквиҷдон» чӣ тавр асалро пеш аз муҳлат ҷамъоварӣ намуданро медонанд. Барои онҳо интизор шудан ҳам муҳим нест, ки кай гулҳо мешукуфанд. Занбурҳоро бо шакароб (ин ҷо таъоми шакаробро дар назар надорам) «сер» намудан мумкин аст. Пас аз як ҳафта асал тайёр. Оё ин асалро аз асали тоза фарқ кардан мумкин аст? Инро худи Шумо ҳам муайян карда метавонед: Асалро ба рӯи пораи қоғаз молида, бо оташ сӯзонед. Асали тоза дар оташ намесӯзад ва танҳо гудохта мегардад. Агар асал нимсӯхта гардад, пас занбӯрҳо онро аз шакар тайёр намудаанд, на аз гарди гул. Агар моеъ гардад, пас маълум мегардад, ки ба он об ҳамроҳ намудаанд. Барои ҳамин ҳам ҳангоми харидории асал ба маслиҳатҳои мазкур таваҷҷӯҳ диҳед.

Сарчашма: http://tiroz.org/asal-va-namudhoi-on/

Добавить комментарий

Ваш e-mail не будет опубликован. Обязательные поля помечены *