100 зани тавонои ҷаҳон аз нигоҳи “Форбес”

Дар рейтинги ҳарсолаи “100 зани тавоно”-и маҷаллаи иқтисодии “Форбес” сарвазири Олмон Ангела Меркелро, ки аз соли 2006 ба ин сӯ мақоми аввалро ишғол мекунад, ҳанӯз касе иваз накардааст.

Мақоми дуюмро дар рӯйхат номзад ба мақоми президенти ИМА – Ҳилларӣ Клинтон, ҷойи сеюмро Раиси бонки марказии ИМА Жанет Еллен гирифтаанд. Дар даҳгонаи аввал аз ИМА 7 нафар, аз Олмону Фаронсаву Испания якнафарӣ қарор доранд.

Имсол дар рӯйхати “100 зани тавоно” сиёсатмадорон, занони соҳибкор, сарварони расонаҳои иттилоотӣ, фаъолони институтҳои ҷомеаи шаҳрвандӣ ва мудирони ширкатҳои технологӣ, умуман 20 номи нав аз як қатор давлатҳо роҳ ёфтаанд.

Мишел Обама бонуи рақами яки ИМА, ки соли гузашта дар даҳгона қарор дошт, имсол дар мақоми 13-ум аст. Сарвари собиқи Бразил Дилма Роуззеф, ки аз соли 2011 дар даҳгона буд, имсол бо сабаби кушода шудани парвандаи судӣ нисабатш ба рӯйхат роҳ наёфтааст. Сарвари собиқи Аргентина Кристина Киршнер ҳам аз рӯйхат афтидааст.

Дидани исми сиёсатмадорон, мудирони молиявияе, ки маблағи бузургро гардиш медиҳанд ва занҳое, ки дар мақомҳои муҳими ширкатҳои технологӣ қарор доранд, бештар диққат ҷалб кардааст. Ба қавли хабарнигори маҷаллаи “Форбес” Аликс Макнамара, дар рӯйхати “100 зани тавоно” занҳое роҳ ёфтаанд, ки дар ҷаҳони имрӯз иқтисодиётро ба ин ё он ҷониб савқ дода, лидер-занҳои аз ҳама закӣ ва тавоноянд. Макнамара гуфтааст, инҳо нафароне мебошанд, ки миллиардҳо доллар тавлид намуда, бозори молиявиро идора мекунанд, ба созишномаҳои байналмилалӣ имзо гузошта, дар миқёси байналмилалӣ ба кӯмакҳои башардӯстона машғуланд.

Добавить комментарий

Ваш e-mail не будет опубликован. Обязательные поля помечены *