Пешво дорем, дорем ифтихор

Ифтихор
Шукри Ваҳдат, шукри бахти пойдор,
Пешво дорем, дорем ифтихор.
Бемалол аз заҳмати пайвастааш
Гулгулафшон аст Меҳан чун баҳор.
Ҳамраҳаш аз Зулҷалол астем мо
Хуррамиро баҳри ҳар кас интизор.
Мо Ватанрову Ватан моро бувад,
Бо туфайлаш ҷовидона дӯстдор.
Субҳи нобат нест бе ӯ хандарез,
Тоҷикистон, мулки мардони баор.
Бо чунин як Пешвоят ҳеч гоҳ
Хор дар дунё нагардӣ, эй диёр.

Имдоди Пешво 
(Дар ду вазн)
Шод зӣ, эй Пешво, ғамхори ҳар инсон туӣ,
Дар тани миллат гирифта ҷой мисли ҷон туӣ.
Халқ мегӯяд яко-як, бо ҳазорон ифтихор,
Пешвои одилу бофазлу бовиҷдон туӣ.

Хатарро аз Ватан рондӣ, саломат бош,
Ғарибонро ба ҳам хондӣ, саломат бош.
Ба ҳар як гӯшаи мулки аламдида
Дарахти Сулҳ бишнондӣ, саломат бош.

Ба ҳар фарди ватандӯст ошно ҳастӣ,
Зи бадхоҳони миллат норизо ҳастӣ.
Сари саҷҷодаи Ваҳдат абармардо,
Ба ду дасти дуо рӯ бар Худо ҳастӣ.

Худо бишнид розатро, ба ту пайваст,
Ба ҳар роҳе, ки по мондӣ, бидодат даст.
Ба як чиртак задан баҳ-баҳ, ҳалолат бод,
Ҳазорон қуфлу занҷири аду бишкаст.

Тоҷикистон
Тоҷикистон, Ватанам, ҷон Ватанам,
Бо ту шаҳд аст сухан дар даҳанам.
Баҳри ободию сарсабзии ту
Ҳамчу Фарҳод дили кӯҳ канам.

Сурмаи чашми дилам хоки дарат,
Ҷигарам об хӯрад аз ҷигарат.
Мефитам дар раҳи пурпечи ҳаёт
Гар равам дур каме аз назарат.

Тоҷикистон, Ватанам, ҷон Ватанам,
Бо ту шаҳд аст сухан дар даҳанам.
Баҳри ободию сарсабзии ту
Ҳамчу Фарҳод дили кӯҳ канам.

Дод Ҳақ сарвари ғамхор ба ту,
Ҳамдаму ёру мададгор ба ту.
З-ибтидо шукри Худо то ба ҳанӯз
Сарварат ҳаст вафодор ба ту.

Тоҷикистон, Ватанам, ҷон Ватанам,
Бо ту шаҳд аст сухан дар даҳанам.
Баҳри ободию сарсабзии ту
Ҳамчу Фарҳод дили кӯҳ канам.

Пешвои миллат 
Эй Пешвои миллат,
Эй родмарди доно.
Ҳастӣ ту бас мукаррам,
Ҳастӣ ту бас тавоно.

Дониста пой мондӣ
Дар шоҳроҳи қисмат.
Кардӣ ту дар ҳақиқат
Хидмат ба халқ, хидмат.

Эй Пешвои миллат,
Эй родмарди доно.
Ҳастӣ ту бас мукаррам,
Ҳастӣ ту бас тавоно.

Раҳмат ба ҳафт пуштат
Ғамхори миллат астӣ.
Баҳри шукӯҳи кишвар
Маҳкам камар бубастӣ.

Эй Пешвои миллат,
Эй родмарди доно.
Ҳастӣ ту бас мукаррам,
Ҳастӣ ту бас тавоно.

Рӯсурхии ту кардаст
Рӯсурх ин Ватанро.
Ҳамчун биҳишт гардонд
Ин боғу ин чаманро.

Эй Пешвои миллат,
Эй родмарди доно.
Ҳастӣ ту бас мукаррам,
Ҳастӣ ту бас тавоно.

Пешвои миллат
Нонат ҳалол бодо,
Эй Пешвои миллат.
З-он дам, ки сарварӣ ту,
Миллат надид иллат.

Хоби шабат паронда,
Хидмат ба халқ кардӣ.
Пай бурд ҳар як инсон,
Бас беназир мардӣ.

Аз ҷанг дур гаштем
Бо азму бо талошат.
Шабро шикаст додӣ,
Бо ақли нурпошат.

Чун туст чеҳрахандон,
Имрӯз Тоҷикистон.
Мо фахр бо ту дорем,
Пайгири Оли Сомон.

Шукри Ваҳдат
Шукри Ваҳдат, мо ҳама пиру ҷавон
Мулки худ бо кор зебо мекунем.
Ханда бар лаб, дур аз тарсу ҳарос
Дар ба рӯи дӯстон во мекунем.

Дарси меҳнат, дарси Ваҳдат, дарси Сулҳ
Дод бар мо Пешво, шодем мо.
Нест моро кина дар дил ҳеч гоҳ,
Аз азал халқи Худододем мо.

Ваҳдати ҷовидро ҷовидтар
Кард бояд, то Ватан ором бод.
Гирди хони пур зи файзи орзу
Халқро базму тараб ҳар шом бод.

Се рубоӣ
Шукронаи Ҳақ, ки мулкам обод шудаст,
Бар халқ насиб даври озод шудаст.
Ин дил, ки нахуфта мекунад хидмати тан,
Аз кори ҳалоли Пешво шод шудаст.
***
Дар кишвари чун биҳишт шукрона кунам,
Булбул бишавам, ба шохи гул лона кунам.
То ин,ки сарам ба осмон дакка хурад,
Бо килки ҳавас зулфи сухан шона кунам.
***
Чун ман ҳама шукри бахти озод кунед,
Хуб аст,зи ҳафт пуштатон ёд кунед.
Бо меҳнати бас ҳалол, бе фанду фиреб
Ин кишвари худ бештар обод кунед.

Нуруллоҳи ОРИФ, «ҶТ»

Добавить комментарий

Ваш e-mail не будет опубликован. Обязательные поля помечены *